ДЕКЕМВРИСКИ ПАТУВАЊА
ВАУЧЕР
Авионски програми - Малта - 05.03. - 08.03.2027
Малта - 05.03. - 08.03.2027

05.03.2027 | ПЕТОК - СКОПЈЕ – МАЛТА

Состанок на групата на скопскиот аеродром 2 часа пред летот.

Полетување за Малта во 13:10 часот со директен лет на авиокомпанијата Wizz Air.

Пристигнување на аеродромот во Малта во 15:00 часот.

Следува организиран трансфер до хотелот и сместување.

Слободно попладне за индивидуални активности.

Ноќевање.

 

06.03.2027 | САБОТА - МДИНА – МОСТА – ВАЛЕТА

Појадок.

Можност за полудневен факултативен излет на централна Малта со посета на Мдина, Моста и Валета.

Мдина – тивкиот град

Се упатуваме кон стариот главен град на островот, Мдина, познат и како „Тивкиот град“.

Прошетката низ тесните и сликовити улички нуди можност да се запознаете со дел од богатата историја на Малта.

Од градските ѕидини се отвора прекрасен панорамски поглед кон островот.

Моста

Продолжуваме кон Моста, град познат по кружната црква Rotunda of St. Marija Assunta, изградена во XIX век по примерот на римскиот Пантеон.

Црквата е позната и по настанот од Втората светска војна, кога бомба паднала низ кровот, но не експлодирала.

Реплика од бомбата и денес се чува во црквата.

Валета

Во договорено време се упатуваме кон Валета на организиран разглед со локален водич.

Разгледот ќе ви овозможи да ги откриете убавините на градот изграден од Витезите на Св. Јован.

Прошетката води кон Upper Barrakka Gardens, од каде се отвора импресивен панорамски поглед кон Grand Harbour.

Следува слободно време за индивидуални активности во Валета.

Индивидуално враќање во хотел.

Ноќевање.

 

07.03.2027 | НЕДЕЛА - МАЛТА – ГОЗО

Појадок.

Можност за целодневен факултативен излет на островот Гозо, вториот најголем остров во Малтешкиот архипелаг.

Victoria / Rabat

Во утринските часови се упатуваме со климатизиран автобус кон главниот и најнаселен град на островот – Victoria, во минатото познат како Rabat.

Главна атракција е Цитаделата, која се наоѓа на возвишение од каде се отвора панорамски поглед кон градот.

Првите остатоци од населба датираат од неолитот, додека тврдината во различни периоди била развивана од Феничаните, Римјаните и подоцна од Витезите на Малтешкиот ред.

Во рамките на комплексот се наоѓаат импресивна катедрала и археолошки музеј.

Ġgantija Temples

Продолжуваме кон Ġgantija Temples, предисториски комплекс познат како една од најстарите монументални градби на Малта.

Dwejra

Следува посета на познатата област Dwejra, препознатлива по драматичниот карпест пејзаж.

Xlendi

Турата продолжува кон Xlendi, познато крајбрежно селце на Гозо.

Следува слободно време за индивидуални активности и ручек во организација на агенцијата.

Враќање во хотел.

Слободно време.

Ноќевање.

 

08.03.2027 | ПОНЕДЕЛНИК - MARSAXLOKK – МАЛТА – СКОПЈЕ

Појадок.

По појадокот се упатуваме во посета на Marsaxlokk.

Marsaxlokk

Marsaxlokk, што се изговара „марса-шлок“, значи „јужно пристаниште“ и се наоѓа во југоисточниот дел на островот.

Тоа е најголемото рибарско село на Малта и е познато по својата живописна крајбрежна атмосфера и шарените традиционални чамци.

Местото е препознатливо по големиот број ресторани со свежа риба и прекрасната медитеранска сценографија.

Blue Grotto

Се препорачува можност за тура со брод до познатите пештери Blue Grotto.

Следува слободно време за индивидуални активности.

Во договорено време следува организиран трансфер до аеродромот.

Полетување за Скопје во 15:35 часот.

Слетување во Скопје во 17:15 часот.

 

Цена на аранжманот: 329eur

 

Во цената е вклучено:

Лет и трансфери

  • Авионски билет Скопје – Малта – Скопје
  • Аеродромски такси
  • Трансфер аеродром – хотел – аеродром на Малта
  • Мала кабинска торба 40 × 30 × 20 cm

Сместување и организација

  • Сместување во хотел 3★ на Малта
  • 3 ноќевања со појадок
  • Туристички придружник од агенцијата за време на целото патување
  • Професионална организација на аранжманот

 

Во цената не е вклучено:

  • Доплата за чекиран куфер до 20 kg – цена 2–3 дена пред тргнување
  • Туристичка такса – 8 € по лице / ден – се плаќа во хотел
  • Полудневен факултативен излет Валета и централна Малта – 55 €
  • Целодневен факултативен излет на островот Гозо – 60 €
  • Факултативен излет Marsaxlokk – 30 € ( задолжителна )
  • Ручек и влезници во објекти или локалитети за време на факултативните излети
  • Индивидуални трошоци
  • Патничко-здравствено осигурување

 

Факултативни излети:

ВАЛЕТА & ЦЕНТРАЛНА МАЛТА 55 €

Полудневен излет со:

  • трансфер
  • локален водич
  • Мдина
  • Моста
  • Валета

 

ОСТРОВОТ ГОЗО 60 €

Целодневен факултативен излет со:

  • трансфер
  • брод
  • локален водич

 

MARSAXLOKK 30 €

ЗАДОЛЖИТЕЛНА ФАКУЛТАТИВА

Во цената се вклучени:

  • трансфер
  • придружник од агенцијата