Кипар е волшебен остров во источниот Медитеран, трет по големина остров во Европа со површина од 9.251 км2 и околу 233 км крајбрежје. Низ 10 000 годишната историја бил населен и освојуван од Грци, Римјани, Асирци, Персијци, Египќани, Византијци и Крстоносците, поради што тука се испреплетуваат митологијата и античката историја и со живописната култура и песочните плажи ја спојува во една незаборавна дестинација. Познат како легендарното родно место на Афродита, грчката божица на љубовта, Кипар нуди уникатна комбинација на природна убавина и историско богатство. Од кристално чисти води и златни песоци до планински села и антички урнатини, секој агол на островот раскажува приказна. Она што го прави Кипар особено привлечен за посетителите е неговата различност. Без разлика дали сте ентузијаст за историја кој истражува римски мозаици во Пафос, авантурист кој пешачи по планините Тродос или едноставно сакате да се опуштите во луксузно одморалиште во Аја Напа или Лимасол, има по нешто за секого. На сето тоа, додадете топлото гостопримство, вкусната медитеранска кујна, прекрасните одморалишта, интересни настани, ноќен живот и повеќе од 300 сончеви денови годишно, и лесно е да се види зошто Кипар треба да биде на вашата листа за патувања.

 

Предлог активности за самоорганизирање : посета на Соленото езеро од каде е одличен период во Февруари да се набљудуваат фламингоси , веднаш до соленото езеро е Hala Sultan Tekke џамијата – една од најважните Муслимански пилиграми на Кипар. Џамијата е изградена на западниот брег од соленото езеро и е една од најважните Муслимански Пилиграми во Кипар опкружена со палми и градини или доколку сакате во близина на соленото езеро ви е Mckenzie Beach најпозанто место за плажирање, релаксација со добро кафе или ручек во едно од модерните бохо стил ресторани и бич-барови но што е најважно е дека од овде се набљудуваат авионите кои слетуваат на аеродромот во Кипар. Собир на групата пред хотел во 15: 00 часот и поаѓаме према аеродром во Ларнака со организиран трансфер. Планирано полетување од Ларнака во 18: 15 . Пристигнување во Скопје 20:30 по локално време.

Состанок на патниците на аеродромот Скопје во договореното време. Два часа пред полетувањето на авионот.Внимавајте на вашиот авионски багаж да ги задоволува потребните димензии и килажа. . Планирано полетување за Ларнака во 20:15 ч. Предвидено пристигнување во Ларнака во 22:30ч, организиран трансфер до хотелот, сместување и ноќевање

Појадок во хотел. Поаѓање према главниот град на Кипар Никозија. Еден град поделен на два со 130,000 жители , две временки зони , граница и пасошка контрола Фактот дека се преминува од една во друга држава за само 2 минути и поместувањето на часовникот за еден час понапред е посебно искуство. Се посетува стариот град во Никозија – опкружен со неверојатен, совршено кружен ѕид, испрекинат со бастиони кои го прават градот да изгледа како ѕвезда одозгора. Ѕидовите биле изградени од Венецијанците во 16 век и сè уште се недопрени. Елефтерија плоштадот -и нтересно е како модерниот плоштад проектиран од Заха Хадид – топ 35 проекти, го одделува модерниот дел од градот од стариот дел на градот. Лаики Геитонија – Тоа е пешачка зона со градби од 18 век и комбинација од станбени куќи, уметнички продавници и таверни, Светата црква на Архангел Михаил – Прекрасен пример за франко-византиска архитектура каде ќе видите неверојатна вистина во внатрешноста на црквата, музејот за историја , како и најголемата банка на Кипар за која се кажува дека е во сопствеништво на Кипарската православна цркава. Слободно време за ручек/кафе во една од традиционалните таверни во Кипар или посета на Шаколас Кулата по избор или шопиг низ уличките на Никозија. По ручекот се заминува према зелената линија и познатиот зид кој го дели Кипар на Грчки и Турски дел. Опсерваторијата на кулата Шаколас ќе ви понуди панорамски поглед низ Никозија во сите правци – вклучително и во окупираниот дел од градот со поглед на 200 метарско севернокипарско знаме. Посета на Карвансарајот Бујук Ан и единствената готска Селимије Џамија која претходно била православна црква. Во договореното време поаѓање према Хотел. Слободни активности Ноќевање.

Појадок во хотел. Заминување на тиркизниот рај и најпознатиот туристички центар на Кипар . Протарас и Аја Напа – со многу сонце, кристално чисто море и прекрасни пејсажи. Некогашно мало, рибарско село, сместено во увала, ќе имате можност да бидете сведоци на неверојатни погледи, идилични рибарски пристаништа, да истражите средновековни цркви, како и да го искусите познатиот жив ноќен живот, медитеранска храна, прошетка низ стариот дел на градот преполн со локални продавници и сувенири. Со автобус поаѓаме до Св. Елијас, традиционалното дрво на желби и панорамска точка за гледање на поглавје Илијада на Протарас. Од овде ќе го видите прекуморскиот Либан како и градот на духовите – Фамагуста. Далеку од метежот на централната Аја Напа, ќе добиете шанса да ги посетите морските пештери Кејп Греко – неверојатна, природна знаменитост долж крајбрежјето на Аја Напа со импресивни карпести формации и погледи. Следна станица ни е Мостот на Љубовта прекрасна туристичка атракција во Аја Напа, која се смета за еден од највпечатливите природни мостови на Кипар и паркот на склуптури. Во Аја Напа дури 14 плажи се одликувани со “Сино знаме”, па навистина нема да згрешите која плажа и да ја посетите, а најпопуларна (во Аја Напа и на целиот Кипар) е плажата Ниси. Ниси е плитка лагуна со кристално чиста, тиркизна вода и потсеќа на плажите во Малдиви. Овој ден е посветен и за уживање на Ниси Плажата – позната по белиот песок и кристално чисто море. Температурата на морето се 17 степени не е идеално за капење но е совршено за шетање покрај преубавиот залез на сонце , прошетки или кафе низ баровите што работат. Во февруари времето е сончево преку ден но вечерите се посвежи што значи ќе ви се потребни лесни јакни. Овој период ви е гаранција за уживање во мир и релаксација. Во договореното време враќање према хотел. Слободни активности. Ноќевање во Ларнака.

Појадок во хотел. Одјавување од собите , по одјавувањето од собите следува организиран разглед на Ларнака. Компактно убава, лесно достапна и вистински автентична, Ларнака или ,,душата на Кипар” е најстариот град на островот со богата историја која датира уште од пред 10.000 години, а денес модерен космополитски град, подеднакво убав и како град и како ресорт. При разглед на градот Ларнака, ја посетуваме црквата Св.Лазар. Овој храм е лоциран во срцето на градот и се смета за најубав на островот. Во него до ден денес, се чуваат моштите на Лазар, кого, според Библијата, Исус Христос го воскреснал. Продолжуваме кон средновековна тврдина која се наоѓа на крајот од живописното шеталиште Финикудес, е една од најпознатите знаменитости на градот. Првично изградена во 14 век, веројатно од Лузињанците, тврдината подоцна била зајакната од Османлиите во 17 век и се користела во различни периоди како воена база, затвор и одбранбена структура што го чувала пристаништето. Денес, тврдината стои како добро сочуван потсетник на средновековното и отоманското минато на Кипар, нудејќи им на посетителите уникатен поглед во повеќеслојната историја на островот. Нејзините дебели камени ѕидови, заоблени сали и издигнати бранови обезбедуваат панорамски поглед на Средоземното Море. Предлог за ручек во една од традиционалните таверни во Ларнака со поглед кон море и дегустација на традиционално сирење Халуми и Клефтико.